کہاں جائیں، کیا کریں؟

تبصرے:

1. اس وقت تو کراچی والوں کی زندگی اجیرن ہو گئی ہے، ساری رات بجلی نہ ہونے کی وجہ سے جاگیں، صبح دفتر میں اونگھتے ہوئے کام کریں، واپسی پر ٹریفک جام میں پھنسیں، جب نصف گھنٹے کا سفر دو تین گھنٹوں میں کر کے گھر پہنچیں تو وہاں اندھیرا!! اسی اندھیرے میں کھانا کھائیں اور گرمی کے اس موسم میں نجانے کس وقت نیند آ جائے۔ "ہم تو اس جینے کے ہاتھوں مر چلے”۔

2. کے ای ایس سی کی غفلت کے باعث تین جانیں جانے کی جس قدر مذمت کی جائے کم ہے۔ سوگوار خاندان کے سربراہ نے اگرچہ کسی قانونی کارروائی کا ارادہ ظاہر نہیں کیا ہے لیکن وہ کارروائی کریں بھی تو ان کو انصاف ملنے کے امکانات کم ہیں۔
   ارباب اختیار کو اپنی کرسی بچانے اور امریکہ کی غلامی سے اتنی فرصت ہی کہاں ہے کہ وہ عوام کی تکالیف کا ازالہ کرنے کا وقت نکال سکیں۔
   کراچی کہ جو روشنیوں کا شہر ہوا کرتا تھا آج اس پر اندھے اور اندھیرے راج کر رہے ہیں۔ بڑے لمبے چوڑے دعوے اور وعدے کرنے والے عقل کے یہ اندھے اتنا بھی نہیں جانتے کہ مخلوق خدا کس عذاب سے گزر رہی ہے اور وہ “سب اچھا ہے “ کی رٹ لگائے ہوئے ہیں۔

3. جناب ان کے پاس جایئں‌ جنہیں‌ منتخب کیا ھے جن کے پاس اتنی طاقت ہے کہ ایک دھمکی پر مشرف فون سے رابطہ کرتے ہیں۔وہ جن کے لیڈر کو ایک لفظ بھی کہا جائے تو شہر سر پر اٹھا لیتے ہیں لیکن اتنے سنگین بحران پر صرف ایک “اپیل“ پر اکتفا کرتے ہیں۔۔ اور ان سے بھی پوچھیں جو کہتے تھے کہ امریکہ کے ھم نوا نہ بنے تو وہ پتھر کے دور میں پھنچا دے گا ان سے پوچھیں یہ پتھر کا دور نہیں تو کیا ھے جہاں بجلی نہ ھو؟ گذشتہ آٹھ سالوں میں ایک بھی منصوبہ مکمل نہ کیا اب تو گذشتہ حکومتوں پر الزام بھی نہیں ڈالا جا سکتا کہ آٹھ سال ایک طویل عرصہ ہیں۔ (دو امریکی صدارتی ٹرمز کے برابر)

4. جیسا کہ ہمم جانتے ہیں‌کہ کراچی کی عوام باقی ملک کی عوام سے زیادہ باشعور ہے اب دیکھنا یہ ہے کہ وہ اگلے انتخابات میں کن کو مسترد کرتے ہیں اور کن کو کراچی کی روشنیاں واپس لوٹانے کا اختیار دیتے ہیں۔
   سنا ہے اس بجٹ میں‌بھی حکومت نے بجلی کی پیداوار میں‌اضافے کیلیے رقم مختص نہیں کی۔

5. اس بحران کا کوئی حل ممکن نہیں۔ کراچی کے لوگوں کو آہستہ آہستہ اس کے ساتھ جینا سیکھنا ہوگا۔ کیا کسی کو معلوم ہے کے ای ایس سی کس کمپنی نے خریدی ہے، وہ کمپنی پہلے کیا کاروبار کرتی رہی ہے؟ اگر اس کمپنی کے بیک گراؤنڈ کی تحقیقات ہوجائیں تو غالبا پورا پاکستان سمجھ جائے گا کہ اس بحران کے ناممکن ہونے کی کیا وجوہات ہیں۔

   میرا پاکستان حکومت کے بجلی کے بجٹ میں اگر رقم مختص کی بھی جاتی تو کراچی کو اس سے کوئی فائدہ نہیں ہوتا۔

6. میرا پاکستان حکومت کے بجلی کے بجٹ میں اگر رقم مختص کی بھی جاتی تو کراچی کو اس سے کوئی فائدہ نہیں ہوتا۔

   Naumaan sahib ub to Sdar/army chief, PM say lekur sindh aur karachi governments "aap” logon kee hain, ub baqiah Paksiatn say kia shakayat hai?

7. نعمان،میرے خیال میں کے ای ایس سی، سیمنز نے خریدی ہے۔ اور اگر میں ٹھیک کہہ رہا ہون تو یہ کمپنی موبائل فون اور بجلی کے آلات بنانے کی وجہ سے مشہور ہے۔
   چونکہ میں عرصہ دراز سے بیرون پاکستان مقیم ہوں اس لئیے اگر میری معلومات اس بارے میں درست نہیں ہیں تو براہِ کرم تصحیح فرمائیے۔
   اور اس کمپنی کا کچھ “حدود اربعہ“ بتائیے۔

8. ارل بھائی بات یہ نہیں، بلکہ یہ ہے کہ کے ای ایس سی ایک نجی ادارہ ہے جو پہلے ہی واپڈا کو قرضدار ہے اور واپڈا انہیں مزید ادھار کی بجلی فراہم کرنے کا محتمل نہیں ہوسکتا۔ کے ای ایس سی بھی یہ بجلی کبھی نہیں خریدنا چاہے گی کیونکہ ان کا واپڈا سے ایک احمقانہ معاہدہ ہے کہ واپڈا ان کو چھ سو میگاواٹ بجلی (اگلے دو سالوں جن میں سے ایک گزر چکا ہے) طے شدہ نرخ پر فراہم کرے گا۔ یہ نرخ کم ہے اور کے ای ایس سی کے شئیرز کی قیمت بڑھنے کا اصل ضامن ہے۔ ظاہر ہے واپڈا اسی نرخ پر کے ای ایس سی کو مزید بجلی فروخت نہیں کرسکتا۔ نئے معاہدوں کے لئے ضروری ہوگا کہ کے ای ایس سی پچھلے بقایاجات ادا کرے۔

   ساجد کے ای ایس سی سیمنز نے نہیں خریدی بلکہ سیمنز پاکستان کے کے ای ایس سی سے چند معاہدے ہیں جن کے تحت وہ بن قاسم تھرمل پاور پلانٹ اور چند دوسرے پراجیکٹس پر کام کرنے کی ذمہ دار ہے۔

9. اگر ملک میں ذی ہوش عوام کی منتخب ہکومت ہو تو کے ای ایس سی کیا اس سے بڑی طاقت بھی ایسی جرأت نہیں کر سکتی جو کے ای ایس سی کراچی میں اور واپڈا باقی پاکستان میں کر رہا ہے ۔ پہلے 15 سے 30 منٹ تک بجلی بند ہوتی تھی ۔ کچھ دن قبل واپڈا کے بڑے صاحب نے اعلان کیا تھا کہ اب دن کے وقت بجلی بالکل بند نہیں ہو گی ۔ اس دن سے دوپہر کے وقت ڈیڑھ سے ڈھائی گھینٹے روزانہ بجلی بند رہتی ہے ۔ بدھ کے روز صرف دن ہی دن میں 6 بار بجلی بند ہوئی اور آجکل کڑاکے کی گرمی پڑ رہی ہے ۔
   رہی سیاسی جماعتیں تو ان میں کتنے لوگ ہی جن کو عملی طور پر عوام سے ہمدردی ہے ؟ ان کے اثاثے بن رہے ہیں عوام جہنم میں جائیں ان کی بلا سے ۔

Comments are closed.